Print
Oct
09

Staða stangaveiði á Íslandi

Landssamband Stangaveiðifélaga hefur ákveðið að halda opið málþing um stöðu stangaveiði á Íslandi að Grand Hotel Reykjavík laugardaginn 13. október nk. kl. 14:00 – 17:00.

Frummælendur koma frá helstu hagsmunaaðilum í stangaveiði á Íslandi, en stangaveiðin stendur á ákveðnum tímamótum eftir síðasta veiðisumar. Laxveiði var í lágmarki á meðan að verð á veiðileyfum hefur hækkað hvort sem um er að ræða lax- eða silungsveiði. Ekki er útlit er fyrir að hækkun veiðileyfa verði minni á næstu misserum og hafa veiðileyfasalar áhyggjur af dvínandi sölu á meðan að íslenskir veiðimenn hafa auknar áhyggjur af verðhækkunum og ásókn erlendra veiðimanna í íslenskar ár og vötn. Landsamband stangaveiðifélaga hefur af þessu tilefni ákveðið að efna til málþings um stöðu stangaveiða á Íslandi í samstarfi við hagsmunaaðila. Það er ætlun sambandsins að málþingið verði grundvöllur til að ræða opinskátt um stöðu og þróun stangaveiða á Íslandi og eru allir áhugasamir hvattir til þess að mæta og hlýða á erindi frummælenda og taka þátt í umræðum.

Dagskrá

14:00     Setning, Viktor Guðmundsson, formaður Landssambands Stangaveiðifélaga

14:05     Laxveiðin sumarið 2012. Hvað er að gerast í ánum? Guðni Guðbergsson, fiskifræðingur frá Veiðimálastofnun

14:25     Laxveiðin sumarið 2012. Áhrif sjávar á laxveiðina. Var hægt að sjá veiðiminnkun fyrir?  Sigurður Már Einarsson, fiskifræðingur frá Veiðimálastofnun

14:45     Stangaveiðifélög og stangaveiðimennn. Bjarni Júlíusson, formaður Stangaveiðifélags Reykjavíkur

15:00     Kaffihlé                                              

15:15     Óðinn Sigþórsson, formaður Landssambands Veiðifélaga

15:30     Þröstur Elliðason. Forstjóri Veiðiþjónustunar Strengja

15:45     Steinar J. Lúðvíksson.  Veiðimaður

16:00     Pallborðsumræður

17:00     Málþingi slitið